ကျွန်တော်တို့ မြန်မာ့နှစ်ကူးအတာသင်္ကြန်မှာ ရေကစားကြပြီး နေလောင်ခံရသော အသားအရေများကို ပြန်လည်ကောင်းမွန်စေရန် ကိုကို၊မမ တို့အတွက်

နေလောင်အသားအရေကို ပြန်လည်ကောင်းမွန်းစေရန် အချက် (၇)ချက်

၁။ ရေအေးအေးလေးနဲ့ရေချိုးပါ - ရေရဲ့အပူအချိန်ဟာ နွေးတဲ့ ဆိုတဲ့ အပူချိန်မျိုးမဟုတ်ပဲ အေးနေတဲ့ အပူချိန်လောက်နဲ့ ရေအေးအေးလေးနဲ့ မိနစ်၂၀ခန့်ရေချိုးပါ။ အဲလိုရေချိုးခြင်းဟာ နေလောင်လို့ အသားအရေ စပ်တာ၊ပူတာ နဲ့ နာကျင်တာတွေကို သက်သာစေပါတယ်။ ရေချိုးရာမှာ နေလောင်ထားလို့ နီစပ်နေတဲ့အသားအရေကို ဆပ်ပြာနဲ့ တိုက်ခြင်းမှရှောင်ကျဉ်ရပါမယ်။

ဆပ်ပြာမှာပါတဲ့ ကော့စတစ်က နေလောင်တဲ့အသားအရေကို ပိုမိုထိခိုက်စေပါတယ်။

နေလောင်လို့အသားအရေမှာ အရေကြည်ဖုလေးတွေထနေတယ်ဆိုရင် ရေပန်းနဲ့ရေချိုးတာထက် ရေကိုအလုံးအထည်လိုက်ကျစေမယ့် ခွက်နဲ့ခပ်ချိုးတာက ပိုမိုသင့်တော်ပါတယ်။

၂။ ရေစိုဝတ်ကပ်ပေးပါ- ရေချိုးဖို့ အဆင်မပြေတဲ့အချိန်တွေမှာ နေလောင်ဒဏ်ရာတွေကို ရေစိုဝတ်ကပ်ပေးပါ။ ရေစို ၀တ်ကို ကပ်တဲ့အခါ မိနစ်၂၀-၃၀ ကြအောင်ကပ်ပေးသင့်ပါတယ်။ ရေကို တနေ့၂ကြိမ်လောက်ပဲချိုးရတဲ့အခါမှာ နေလောင်ဒဏ်ရာတွေ အမြန်ဆုံးသက်သာစေဖို့ ရေစိုဝတ်ကပ်ပြီး နှိပ်နယ်ပေးတာ ဟာပုံမှန်အသားအရေ ပြန်ရအောင် အထောက်အကူပြုပါတယ်။ ရေစိုဝတ်ကို မိမိနှစ်သက်သလို ခဏခဏ အကြိမ်များစွာကပ်ပေးနိုင်ပါတယ်။

၃။ ရှားစောင်းလက်ပတ် - ဒါကတော့ အရေပြားအလှအပနဲ့ဆိုင်တဲ့နေရာမှာ အများဆုံးအသုံးပြုတဲ့ အပင်ပါပဲ။ ရှားစောင်းလက်ပတ် ကို အရွက်ပြားကိုခူး အရွက်ပြားထဲက ဂျယ်လီတွေကို ယူပြီး နေလောင်ဒဏ်ရာတွေကို ပွတ်လိမ်းပေးခြင်းအားဖြင့် အရေးပြားရဲ့ ဆဲလ်တွေ ပြန်လည်တည်ဆောက်ရာမှာ လျင်မြန်လာအောင် အကူအညီပေးပါတယ်။ ဂျယ်လီတွေလိမ်းတဲ့အခါ အရမ်းကြီး ပွတ်စရာမလိုပါဘူး။ ဖြည်းညင်းစွာ ပွတ်ပေးရမှာပါ။ အဲလိုလုပ်ပေးခြင်းအားဖြင့် အရေပြားခြောက်သွေ့တာကို ကာကွယ်ပေးရာရောက်ပါတယ်။ ဒါကို လည်း မိမိနှစ်သက်သလို ခဏခဏ လုပ်နိုင်ပါတယ်။

၎။ အ၀တ်အစား - ပွပွယောင်းယောင်း နူးညံ့တဲ့ ချည်ထည်တွေကိုသာ ၀တ်ဆင်ပါ။ ဒီလိုဝတ်ဆင်ခြင်းအားဖြင့် အရေပြားအတွက် လေ၀င်လေထွက်ရော မိမိကိုယ်တိုင်ပါ သက်တောင့်သက်သာရှိစေမှာပါ။

၅။ ရေများများသောက်ပါ - လူ့ခန္ဓာကိုယ်မှာ ရေဟာ ၃ပုံ၂ပုံ ပါဝင်တယ်ဆိုတာ သိကြမှာပါ။ ရေဟာ ခန္ဓာကိုယ် သက်ရှိဆဲလ်တွေရဲ့ ဇီဝကမ္မဖြစ်စဉ်တွေမှာ မရှိမဖြစ်ဓါတ်ကူပစ္စည်းဖြစ်ပါတယ်။ရေများများ သောက်ပေးခြင်းအားဖြင့် အရေပြားဆဲလ်တွေပြန်လည်တည်ဆောက်ရာမှာ လျင်မြန်စေပြီး၊ ကောင်းမွန်သော အထောက်အကူပေးပါတယ်။

၆။ ခရမ်းချဉ်သီး - ခရမ်ချဉ်သီး စားရင် အသားလှတယ်ဆိုတာကြားဖူးမှာပါ။ သူက စားရုံတင်မဟုတ်ပါဘူး။ ခရမ်းချဉ်သီးအနှစ်ကို နေလောင်ဒဏ်ရာတွေမှာ လိမ်းပေးရင်လည်း

နေလောင်ဒဏ်ရာတွေကို လျင်မြန်စွာ သက်သာစေမှာဖြစ်ပါတယ်။ ခရမ်းချဉ်သီးမှာ Anti-oxidant တွေအများကြီးပါဝင်တဲ့အတွက် အရေးပြားကိုများစွာ အထောက်အကူပြုပါတယ်။

၇။ ကြက်ဥ - ကြက်ဥ ကို မွှေပြီး မအိပ်ခင်မှာ နေလောင်ဒဏ်ရာတွေကိုလိမ်းပါ။ အနည်းငယ်ခြောက်သွှေ့သွားရင် ရေနဲ့ဆေးလိုက ဆေးပါ။ မဆေးချင်လဲ မနက်ထမှဆေးပါ။ ကြက်ဥနဲ့မျက်နှာပေါင်းတင်သလိုပါပဲ။ ကြက်ဥမှာ ပါတဲ့ ပရိုတိန်းဟာ အရေပြား ဆဲလ်တွေပြန်လည်တည်ဆောက်ရာမှာအထောက်အကူဖြစ်စေပါတယ်။

                                                                                                         

(ဝေယံထက်)